Jańa álipbıdi bilim júıesine engizý tyńǵylyqty túrde pysyqtalyp júrgiziledi - Erlan Saǵadıev

ASTANA. QazAqparat - Bilim júıesine latyn grafıkasyndaǵy qazaq tili álipbıin engizýdiń ár kezeńi tyńǵylyqty pysyqtalady. Bul týraly Bilim jáne ǵylym mınıstri Erlan Saǵadıev málim etti, dep habarlaıdy QazAqparat.

«Ózderińiz bilesizder, búginde ǵalymdar jumystaryn jalǵastyryp jatyr. Osy oraıda emle-ereje kerek, bizge grammatıkany jazyp, qajetti sózdikterdi shyǵarý kerek, sondaı-aq termınologııany pysyqtaý qajet. Jalpy, belgilengen aýqymdy jumys júzege asyrylǵannan keıin, biz aprobatsııa protsesin bastaımyz», - dep túsindirdi E. Saǵadıev Ortalyq kommýnıkatsııalar qyzmetindegi baspasóz máslıhatynda.

Osy oraıda mınıstr latyn qarpine kóshý úderisi iriktelgen mektepterde, stýdenttik ortada júrgiziletinin atap ótti. Tek osyndaı tyńǵylyqty pysyqtalǵan sharalardan keıin ǵana birinshi synypqa deıingi jáne birinshi synyp ustazdaryn daıarlaý bastalady.

«Barlyq qajetti degen jumystar eskerilgennen keıin ǵana latyn grafıkasyndaǵy qazaq tili álipbıin bilim berý júıesine, mektepterde ári ýnıversıtetterde engizýdiń kestesin talqylaımyz», - dep naqtylady mınıstr.

Onyń aıtýynsha, osy úlken jumystyń árbir kezeńin vedomstvo muǵalimdermen, mektep dırektorlarymen, ýnıversıtet pedagogtarymen, sarapshylarmen talqylap, sáıkesinshe usynystar respýblıkalyq komıssııaǵa joldanady.

«Búginde stýdenttik ortada, jýrnalıster arasynda eriktilerdiń keń shoǵyry paıda bolǵanyn baıqap otyrmyz, sondyqtan aprobatsııa buqaralyq sıpatqa ıe bolady dep oılaımyn»,-dedi E. Saǵadıev.

Budan buryn habarlanǵandaı, QR Mádenıet jáne sport mınıstri Arystanbek Muhamedıuly Qazaqstan Úkimeti qazaq tiliniń latyn grafıkasyn engizý boıynsha jumys toby qurylatanyn atap ótti.