Jańa Áleýmettik kodeks sheńberinde zeınetaqy mólsherin ulǵaıtý qarastyrylady

ASTANA. QazAqparat – Jańa áleýmettik kodekstiń jobasy zeınetaqy mólsheri men bazalyq zeınetaqy kólemin ulǵaıtýǵa baǵyttalǵan. Bul týraly Óńirlik kommýnıkatsııalar qyzmetinde Eńbek jáne áleýmettik qorǵaý komıtetiniń Astana qalasy boıynsha departamenti basshysynyń áleýmettik suraqtar boıynsha orynbasary Dámejan Sadýaqasova aıtty, dep habarlaıdy QazAqparat tilshisi.

«Qazirgi júıe zeınetkerlerdiń 3 býynyn qamtıdy. Atap aıtqanda, 1998 jylǵa deıin jáne 1998 jyldan keıin zeınetke shyqqan zeınetkerler negizgi tólemdi memleketten, al bolashaq zeınetkerler jınaqtaýshy zeınetaqy júıesinen alady. Endi zeınetkerler úshin bazalyq zeınetaqy tólemin taǵaıyndaý jáne ortaq zeınetaqyny esepteý parametrleri ózgeretin bolady. Bul zeınetaqy mólsherin ulǵaıtý úshin jasalady. Al bolashaq zeınetkerler úshin 2024 jyldyń 1 qańtarynan bastap jumys berýshiler qosymsha zeınetaqy tólemderi men jarnalardy engizýdi josparlap otyr», - dedi Dámejan Sádýaqasova.

Onyń aıtýynsha, kodekske engiziletin ózgerister negizinde salymshylardyń zeınetaqy aktıvterin basqarý quqyǵyn keńeıtý qarastyrylǵan. Endi azamattar ózderiniń zeınetaqy jınaqtarynyń jetkiliktilik sheginen asqan bóligin tek em alýǵa jáne úı satyp alýǵa jumsaıdy.