Jańa aqparattyq júıe sýbsıdııa alýshylardy qaǵazbastylyqtan bosatady
«Memleket basshysynyń tapsyrmasy boıynsha Aýyl sharýashylyǵy mınıstrligi «Agrónerkásip keshenin sýbsıdııalaýdyń biryńǵaı memlekettik aqparattyq júıesin» ázirlep jatyr. Onyń negizgi fýnktsıonaly sýbsıdııa alýshylardyń tizbesin avtomatty túrde qalyptastyryp, aýyl sharýashylyǵy ónimin óndirýshilerdiń ekonomıkalyq qyzmet túrleriniń jalpy jikteýishine sákestigin tekserý, sýbsıdııa alýshylardyń qarymta mindetterin tirkep, ol mindetterdiń oryndalý dárejesin anyqtaý, sýbsıdııa alý men shaǵymdar paraǵyn kútýde kezektiń saqtalýyn qamtamasyz etý», - dep jazylǵan Úkimet basshysynyń jaýabynda.
Onyń sózine qaraǵanda, jańa aqparattyq jıeniń qoldanystaǵy «Qoldau» júıesinen aıyrmalyǵy bolady. Naqty aıtsaq, búkil memlekettik derekter bazasymen ıntegratsııalanǵan júıe sharýalar úshin tegin bolady.
«Júıedegi árekettiń bári avtomanttadyrylady. Bul sýbsıdııany úlestirýde jáne berýde jemqorlyq táýekelderin meılinshe azaıtady. Agrónerkásip keshenin sýbsıdııalaýdyń biryńǵaı memlekettik aqparattyq júıesiniń arqasynda memlekettik organdar sharýalardan sýbsıdııa rásimdeý úshin qandaı da bir anyqtamalar suramaıtyn bolady. Óıtkeni júıe búkil memlekettik organdardyń derekter bazasymen ıntegratsııalanady», - dep jazady Premer-Mınıstr.
Aıtýynsha, atalǵan sharalar fermerlerdi jyl saıynǵy abonent tólemi men qosymsha qujattar jınaýdan bosatady.
«Qazirgi tańda Aqmola obylsynda pılottyq joba iske asyp jatyr. Jalpy bul másele udaıy Úkimettiń nazarynda jáne tıisti sharalar qabyldanyp jatyr», - delingen jaýapta.
