Jańa ákimshilik kodeks: Alty qalanyń ákimine aıyppul salynǵan
2021 jyly 1 shildede qabyldanǵan Ákimshilik rásimdik-protsestik kodekste sot júıesine birqatar jańashyldyq engizilgen edi.
«Ákimshilik protsestegi mańyzdy ınstıtýt – aqshalaı óndirip alý bolyp otyr. Bul – burynǵy zańnamada bolmaǵan jańa qural. Ákimshilik kodeks engizilgenge deıin sottar isti qaraý barysynda quqyqbuzýshylarǵa tek eskertý ǵana jasaı alatyn. Endi sýdıanyń qolynda aqshalaı óndirip alý sııaqty qural bar. Bul qural protseske qatysýshylardy, onyń ishinde memlekettik organdardy da tártipke keltirýge yqpal etedi», - dedi Qanat Mýsın Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, tórt aıdyń ishinde sýdıalar 175 aqshalaı aıyppul salǵan. Jalpy aıyppul kólemi 6 mln teńgeni qurasa, onyń shamamen 5 mln teńgesi bıýdjetke túsip úlgerdi.
«Aqshalaı óndirip alý týraly sot sheshimine shaǵymdanýǵa bolady, biraq aldymen bul aıyppul tólenýi kerek. Sondyqtan qazir jaýapkerler men memlekettik organdar anaǵurlym tártipti bola bastady. Óıtkeni aqshalaı óndirip alý somasy 10 AEK-ten bastalyp, 100 AEK-ke deıin jetedi. Bul aıtarlyqtaı qomaqty aqsha», - deıdi Qanat Mýsın.
Sonymen birge, spıker aqshalaı óndirip alý jaýapkershiligi kimderge salynǵanyn aıtyp berdi.
«140 aqshalaı aıyppul jaýapkerdiń tarapyna salyndy. Ádette, bul ákimshilik organdar nemese jeke sot oryndaýshylary. Mysaly, memlekettik organdar men jergilikti atqarýshy organdardyń qyzmetkerlerine jalpy 97 aqshalaı jaza qoldanyldy. Onyń ishinde mınıstrlikterdiń biriniń komıtet tóraǵasy, Іshki memlekettik aýdıt departamentiniń, Memlekettik kirister departamentiniń, polıtsııa departamentiniń basshysy jáne t.b. sııaqty sheneýnikter bar. ıAǵnı, munda qarapaıym qyzmetker joq. Ákimdik qyzmetkerlerine 58 aqshalaı aıyppul salyndy, onyń ishinde 6 qala ákimi, bes aýdan ákimi jáne úsh apparat basshysy bar», - dedi Qanat Mýsın.
Buǵan deıin Qanat Mýsın ákimshilik sottardyń 4 aıdaǵy jumys nátıjesin baıandaǵan edi.