Jańa aqyly joldarmen bir aıda jarty mıllıonnan astam kólik ótti
ASTANA. KAZINFORM — Úsh jańa aqyly jol ýchaskesinde bir aıda jarty mıllıonnan astam kólik júrip ótti.
Elimizdegi respýblıkalyq mańyzy bar úsh jańa aqyly avtomobıl joly ýchaskesi iske qosylǵan alǵashqy aıdyń ózinde-aq kólik qozǵalysynyń aıtarlyqtaı qarqyn alǵany baıqaldy. Bir aı ishinde bul baǵyttarmen 528 myńnan astam kólik júrip ótken.
Áńgime jaqynda aqyly rejım engizilgen «Qaraǵandy – Balqash – Býrylbaıtal», «Burylbaıtal – Kúrti» jáne «Taldyqorǵan – Óskemen» avtojol ýchaskeleri týraly bolyp otyr.
Kólik aǵynynyń eń joǵary kórsetkishi «Qaraǵandy – Balqash – Burylbaıtal» baǵytyna tıesili. Bul ýchaskede bir aıda 290 myń kólik tirkelip, jalpy kórsetkishtiń shamamen 55 paıyzyna jetti.
Al «Taldyqorǵan – Óskemen» baǵytynda 181 myń kólik júrip ótken. Bul jalpy kólemniń 34 paıyzyna jýyq.
«Burylbaıtal – Kúrti» ýchaskesinde alǵashqy aıda 58 myń kólik qozǵalysy tirkeldi.
Osylaısha, úsh jańa aqyly jol ýchaskesi boıynsha bir aıdyń ishinde jarty mıllıonnan astam kólik qatynaǵany anyqtaldy:
— Qaraǵandy – Balqash – Býrylbaıtal — 290 myń;
— Taldyqorǵan – Óskemen — 181 myń;
— Burylbaıtal – Kúrti — 58 myń.
Aıta keteıik, «Qaraǵandy – Balqash – Burylbaıtal» jáne «Burylbaıtal – Kúrti» ýchaskelerinde aqyly júıe 2026 jylǵy 10 shildede, al «Taldyqorǵan – Óskemen» baǵytynda 11 shildede engizilgen bolatyn.
Alǵashqy aıdyń qorytyndysy jańa aqyly joldardyń kólik ótkizý qabileti men qozǵalys qarqynyn baǵalaýǵa múmkindik berip otyr. Úsh ýchaskeniń ishinde eń joǵary júkteme «Qaraǵandy – Balqash – Býrylbaıtal» tasjolyna tıesili ekeni baıqalady.
Aıta ketelik Qyzylorda – Jezqazǵan avtojolynyń Qyzylorda oblysyndaǵy bóligi tolyq aıaqtalǵan edi.
