Jańa adamdar: astanadaǵy jaıaý júrginshiler kópiri bezendirildi

ASTANA. QazAqparat – «Jańa adamdar» qozǵalysynyń belsendileri Qazaqstan halqynyń birligi kúni elordadaǵy «Serýen» jaıaý júrginshiler kópirin bezendirdi, dep habarlaıdy QazAqparat tilshisi uıymnyń baspasóz qyzmetine silteme jasap.

«Biz «Birlik kópiri» madonnarıin saldyq. Kallıgraf Tamerlan Kııarov bir sýretke Qazaqstanda turatyn 50 etnıkalyq toptyń atyn biriktirdi. 7 metrlik keskinder Qazaqstan halqynyń kóp mádenıettiligi men birligin beıneleıtin sheńberlerden turady. Kompozıtsııanyń ortasynda jańa, ádil Qazaqstannyń qaǵıdattaryn eske salatyn «Birlik» jáne «Yntymaq» sózderi jazylǵan. Bul bir shańyraq astynda, bir dastarhan basynda, bárimiz birge ómir súre alamyz degendi bildiredi. Sondyqtan da, madonnarı sheńber túrinde beınelengen.

Jańa art-obekt elorda turǵyndary men qala qonaqtarynyń tartylys núktesine aınalady, sondaı-aq jastardyń mádenı, saıası jáne shyǵarmashylyq damýyna yqpal etedi dep senemiz», - deıdi «Jańa adamdar» uıymynyń belsendisi Alına Sıdorenko.