Jańa 18F-FLT radıofarmpreparaty klınıkalyq tájirıbege engizildi
ASTANA. KAZINFORM – QR Prezıdentiniń Іs Basqarmasy Medıtsınalyq ortalyq aýrýhanasynyń ıAdrolyq medıtsına ortalyǵynda tsıklotrondy óndiristiń besinshi radıofarmpreparatyn shyǵarý jolǵa qoıylyp, PET/KT zertteý júrgizý iske qosyldy.
Qazaqstanda bul preparat alǵash ret sıntezdelgenin atap ótken jón, ony júzege asyrýǵa ázirlik jumystary 6 aıǵa sozyldy.
Jasýsha prolıferatsııasyn kórsetetin bıomarker sanalatyn preparat qaterli isik túrlerin, sonyń ishinde qan qaterli isigin (lımfoma jáne leıkemııa), sút bezi qaterli isigi, lımfoma, bas pen moıyn, óńesh jáne ókpe isikterin, súıek pen jumsaq tinderdiń sarkomalaryn jáne basqalaryn dıagnostıkalaýǵa qoldanylady.
Ftortımıdın (18F-FLT) quramynda isik jasýshasynyń DNQ-syna enip, qaterli isik protsesin, sonyń ishinde aýrýdy erte satysynda qatesiz kóretin aqýyz sýbstantsııa bar. Ol sondaı-aq, hırýrgııalyq emnen keıin obektıvti baǵa berýge de qoldanylady.
Jańa preparat jasýshanyń bólinýin baqylaý arqyly mamandarǵa isiktiń belsendiligin baǵalaý úshin jasýshalardyń metabolıkalyq belsendiligi týraly naqty málimet alýǵa múmkindik beredi. Ásirese, ol osyǵan deıingi radıofarmatsevtıkalyq preparattarmen saralaý qıynǵa soǵatyn isikterdi baǵalaýǵa paıdasyn tıgizedi.
«18F-FLT preparaty arqyly PET/KT zertteý jasaý dıagnostıka men terapııanyń jańa perspektıvalaryn ashady. Ol qaterli zaqymdardy anyqtaýdy ońaı ári qoljetimdi etedi, ár patsıentti emdeýde jeke tásil men em túrlerin qoldanýǵa múmkindik beredi. Preparat dıagnostıkanyń tıimdiligin jańa deńgeıge kóteretinine senimdimiz, - deıdi Medortalyq aýrýhanasy ıAdrolyq medıtsına ortalyǵynyń jetekshisi, medıtsına doktory Aıgúl Sádýaqasova.
Onkologııada 18F-FLTradıofarmatsevtıkalyq preparatymen jasalǵan PET/KT zertteýler emniń tıimdiligin baǵalaýǵa, qaıta asqynǵan dertti anyqtaýǵa qoldanylady.
