«Jan jylýy» qaıyrymdylyq sharasynyń qorytyndysy boıynsha múmkindigi shekteýli balalarǵa 1,5 mıllıon teńge jınaldy
ALMATY. Qazannyń 23-i. QazAqparat /Ádilet Musahaev/ - Keshe M. Tynyshpaev atyndaǵy Qazaq kólik jáne kommýnıkatsııalar akademııasy «Jan jylýy» atty qaıyrymdylyq kontsert ótkizip, qorytyndysy boıynsha búgin múmkindigi shekteýli Arýjan Ǵınııatovaǵa 207 myń 200 teńge, Baǵdaýlet Dónenbaevqa 527 myń 488 teńge jınap berdi,
dep habarlaıdy QazAqparat.
«Qazaqstan» ulttyq telearnasynda qazan aıynyń 10-ynan beri «Jan jylýy» áleýmettik baǵdarlamasy efırge shyqqan bolatyn. Baǵdarlamanyń maqsaty - múmkindigi shekteýli, áleýmettik jaǵdaıy tómen, sondaı-aq jetim balalar men jalǵyz basty, kóp balaly analarǵa kómek kórsetý.
Sharanyń qorrytyndysy boıynsha, «Qazaqstan» ulttyq arnasyndaǵy «Jan jylýy» baǵdarlamasy arqyly qalyń kópshilikten kómek suraǵan sábı Baǵdaýlet Dónenbaevtyń kózine Sank-Peterbýrg qalasynda jáne 9 jastaǵy atyraýlyq Arýjan Ǵınııatovanyń júregine jáne eki aıaǵyna birdeı Túrkııada operatsııa jasalý josparlanýda. Aktsııadan túsken qarjy atalǵan balalardyń esep-shottaryna aýdaryldy.
