Jan-jaqtan qaryz ala bermeı, tıisti taldaý jasaımyz - mınıstr

ASTANA. KAZINFORM – Búgin Májilistiń jalpy otyrysynda Premer-mınıstrdiń orynbasary – Ulttyq ekonomıka mınıstri Nurlan Baıbazarov memlekettik qaryzǵa qatysty túsinik berdi.

«Jalpy, memlekettiń boryshy jalpy ishki ónimge shaqqanda 23 paıyzdan sál arttyq. Bizde eki shekteý bar. Birinshiden, memlekettiń qaryzy JІÓ-ge shaqqanda 32 paıyzynan aspaý kerek. Ekinshiden, boryshty qaıtarýdyń jyldyq mólsheri jalpy kiristerdiń 10 paıyzynan aspaý kerek degen shekteý eskerilgen. Elimizdiń 2025 – 2029 jyldarǵa arnalǵan áleýmettik-ekonomıkalyq damý boljamyna toqtalsaq, 2027 jylǵa qaraı bıýdjet tapshylyǵyn jalpy ishki ónimge shaqqanda 1,9 paıyzǵa deıin tómendetý mindetin alyp otyrmyz. Bul óz kezeginde memlekettiń kiris bóliginiń artýy esebinen júzege asyrylady», - dedi N. Baıbazarov.

Onyń aıtýynsha, aldaǵy jyldary ekonomıkanyń ósýi arqyly bıýdjettiń kiris bóligi artady.

«Ekinshiden, jan-jaqtan qaryz ala bermeı, tıisti taldaý jasap, onyń tıimdi joldaryn izdeımiz», - dedi mınıstr.

Bıyl qyrkúıek aıynda Qarjy mınıstrligi memlekettik qaryz qaýipsiz deńgeıde ekenin málimdegen edi.