Jan Kosobýtskıı sporttaǵy eń mańyzdy jekpe-jegine daıyndalyp jatyr

ASTANA. QazAqparat – 26 tamyzda Talsada (AQSh, Oklahoma shtaty) Top Rank boks keshi ótedi. Onda asa aýyr salmaqtaǵy Qazaqstan ókili Jan Kosobýtskıı (19-0, 18 KO) nıgerııalyq Efe Adjagboımen (17-1, 13 KO) aıqasady, dep habarlaıdy QazAqparat Sports.kz-ke silteme jasap.

BoxRec.com bedeldi portaly aldaǵy aıqasqa bes juldyzdyń úsheýin berdi.

Qazirgi ýaqytta bul - Kosobýtskııdiń mansabyndaǵy eń joǵarǵy baǵa, buǵan deıin ol «eki juldyzdy» aıqastar ótkizip keldi.

BoxRec jekpe-jek reıtıngine birneshe faktor yqpal etedi: qarsylas deńgeıi, boks keshiniń mártebesi, sondaı-aq báske qoıylǵan tıtýldardyń mańyzdylyǵy.

26 tamyzdaǵy shoýdyń basty oqıǵasynda asa aýyr salmaqtaǵy taǵy bir jekpe-jek ótedi: amerıkalyq Djared Anderson (15-0, 14 KO) men ýkraınalyq Andreı Rýdenko (35-6, 21 KO) aıqasy.