Jan Kosobýtskıı sońǵy jeńisinen keıin álemdik reıtıngte aıtarlyqtaı joǵarylady
NUR-SULTAN. QazAqparat – Qazaqstandyq boksshy Jan Kosobýtskıı (14-0, 13 KO) Mınskidegi jeńisinen keıin Boxrec.com bedeldi portalynyń reıtıngindegi orny joǵarylady, dep habarlaıdy QazAqparat Sports.kz saıtyna silteme jasap.
Kosobýtskıı onynshy raýndta polıak boksshysy Kamıl Sokolovskıdi (9-18-2, 3 KO) nokaýtpen jeńip, reıtıngte asa aýyr salmaqta 47 orynnan 44-ke kóterildi. Bul qazaqstandyqtyń kásibı karerasyndaǵy ótkizgen 14 jekpe-jektiń on úshinshi nokaýty. Onyń ishinde jeti ret qatarynan nokaýtpen jeńgen.
Eske sala keteıik, Jan Kosobýtskıı IBO Inter-Continental nusqasy boıynsha chempıondyq belbeýin sátti qorǵady. 31 jastaǵy asa salmaqtaǵy boksshy úshin bul onyń Universum Box-Promotion jańa promoýterlik kompanııasymen ótkizgen ekinshi jekpe-jegi boldy.
