Jan Kosobýtskıı salmaǵy 146 kg qarsylasyn birinshi raýndta nokaýtqa jiberdi

MÁSKEÝ. QazAqparat – Máskeýde ótken kásipqoı boks keshinde sýperaýyr salmaqtaǵy qazaqstandyq Jan Kosobýtskıı (10-0, 9KO) kezekti jekpe-jegin ótkizdi. Bul týraly QazAqparat áleýmettik jelidegi «Qazaqstannyń kásipqoı boksy» paraqshasyna silteme jasap habarlaıdy.

Kosobýtskıı 40 jastaǵy tájirıbeli sportshy, burynǵy álem chempıony, ońtústikafrıkalyq Osborn Machımanmen (23-12-2, 17KO) aıqasty.

Kezdesý aldynda salmaq ólsheý rásiminde Kosobýtskıı – 104 kg, Machıman 146 kg ekeni anyqtaldy. Alty raýndqa shaqtalǵan jekpe-jekte Kosobýtskıı qarsylasyn birinshi raýndta-aq nokaýtqa jiberdi.

Osylaısha, Jan Kosobýtskıı kásipqoı boksta on birinshi márte jeńiske jetti, sonyń onyn nokaýtpen aıaqtady. Osborn Machıman on úshinshi ret jeńiliske ushyrady.

Aıta keteıik, Machıman 2008 jyly jerlesi Korrı Sandersti nokaýtpen jeńip, álem chempıony atanǵan.