Jan Kosobýtskıı kezekti jekpe-jegin nokaýtpen aıaqtady
NUR-SULTAN. QazAqparat - Sýper aýyr salmaqtaǵy qazaqstandyq kásipqoı boksshy Jan Kosobýtskıı (10-0, 9KO) venesýelalyq qarsylasy Ýılıams Okandony (20-8, 16KO) nokaýtpen jeńdi. Bul týraly QazAqparat VKontakte áleýmettik jelisindegi «Qazaqstan kásipqoı boksy» paraqshasyna silteme jasap habarlaıdy.
Boks keshi Belarýs astanasy Mınskide ótti. J.Kosobýtskıı alty raýndqa eseptelgen aıqasty ekinshi raýndta nokaýtpen aıaqtady. Bul, 30 jastaǵy sportshymyzdyń merziminen buryn aıaqtaǵan toǵyzynshy jekpe-jegi.
Eske salaıyq, qazaqstandyq kásipqoı boksshy atalmysh keshte Germanııa ókili, 38 jastaǵy Evgenıı Býhmıýllermen (15-4, 12KO) judyryqtasýy tıis edi. Biraq ol jaraqatyna baılanysty aıqastan bas tartty.
Kosobýtskıı profı-rıngte 2017 jyldyń qyrkúıek aıynan óner kórsetip keledi.
