Jan Kosobýtskıı qarsylasyn nokaýtqa túsirip, WBC tıtýlyn jeńip aldy
NUR-SULTAN. QazAqparat – Sýperaýyr salmaqtaǵy qazaqstandaǵy boksshy Jan Kosobýtskıı domınıkandyq sportshy Aleksıs Garsııany jeńdi. Bul týraly VKontakte áleýmettik jelisindegi «Qazaqstannyń kásipqoı boksy» paraqshasynda jazyldy, dep habarlaıdy QazAqparat.
Boksshylar jekpe-jegi Germanııanyń Gambýrg qalasynda ótken. Ol 10 raýndtan turýy tıis bolsa da, uzaqqa sozylǵan joq. Aıqastyń tórtinshi raýndynda qazaqstandyq boksshy qarsylasyn nokdaýnǵa jiberse, besinshisinde tehnıkalyq nokaýtqa túsirdi.
WBA International beldiginiń ıesi Kosobýtskıı jekpe-jektiń bas júldesi - WBC International Silver tıtýlyn da jeńip aldy.
Bul – qazaqstandyq boksshynyń 2021 jyldaǵy úshinshi jekpe-jegi jáne kásipqoı bokstaǵy 17-shi, merziminen burynǵy 16-shy jeńisi. Garsııa bolsa, sporttyq mansabynda qol jetkizgen 11 jeńisinen keıin alǵash ret jeńilip otyr.
