Jan Kosobýtskıı AQSh-ta boks erejesin buzǵany úshin jarystan shyǵaryldy

ASTANA. QazAqparat - Qazaqstandyq aýyr salmaqtaǵy boksshy Jan Kosobýtskıı (19-0, 18 KO) Talsta (AQSh, Oklahoma shtaty) ótken boks keshinde jekpe-jekke qatysý quqyǵynan aıyryldy, dep habarlaıdy QazAqparat Sports.kz portalyna silteme jasap.

Jan Kosobýtskıı nıgerııalyq Efe Adjagbamen (17-1, 13 KO) judyryq túıistirdi. Bul - qazaqstandyq sportshy mansabyndaǵy eń úlken jekpe-jek edi.

Aýyr salmaqtaǵy jekpe-jek on raýndqa eseptelgen. Qazaqstandyq sportshy erejeni júıeli túrde buzǵany úshin tórtinshi raýndta jarystan shyǵarylyp, jeńis Efe Adjagbaǵa berildi.

Osylaısha, Efe Adjagba kásibı mansabynda on segizinshi ret jeńiske jetti, al Jan Kosobýtskıı birinshi jeńilip qaldy.

Jan Kosobýtskıı - WBC International nusqasy boıynsha hevıveıt chempıony. Ol buǵan deıin IBO Inter-Continental beldigin jeńip alǵan.

Eske sala ketsek, taǵy bir qazaqstandyq boksshy Abylaıhan Júsipov (3-0, 2 KO) Talsta (SShA, shtat Oklahoma) ótken boks keshinde óner kórsetip, qarsylasyn tehnıkalyq nokaýtpen jeńdi.