Jan Kosobýtskıı AQSh-ta alǵashqy jekpe-jegin ótkizedi

ASTANA. QazAqparat – 26 tamyzda asa aýyr salmaqtaǵy qazaqstandyq boksshy Jan Kosobýtskıı (19-0, 18 KO) Talsada (AQSh, Oklahoma shtaty) jekpe-jek ótkizedi. Bul onyń Shtattardaǵy debıýti, dep habarlaıdy QazAqparat Sports.kz-ke silteme jasap.

Onyń kezdesýi ESPN-degi Top Rank boks keshiniń negizgi jekpe-jeginiń biri bolmaq. Boksshy Nıgerııa ókili Efe Adjagboımen (17-1, 13 KO) judyryqtasady.

Qazaqstandyq kórermen jekpe-jekti 27 tamyz kúni tańerteń tamashalaı alady. Jekpe-jek Astana ýaqytymen 08:30-da bastalady.

Meın-ıventte asa aýyr salmaqtaǵy amerıkalyq boksshy Djared Anderson (15-0, 14 KO) men ýkraınalyq sportshy Andreı Rýdenko (35-6, 21 KO) judyryqtasady. Sonymen qatar, shoý barysynda ózbekstandyq tanymal aýyr salmaq sheberi Bahodır Djalolov (12-0, 12 KO) óziniń kezekti kásibı jekpe-jegin ótkizedi. Onyń qarsylasy – nıgerııalyq Onorıode Ehvarıeme (20-2, 19 KO).