Jan-Klod Van Damm júrek talmasymen aýrýhanaǵa túsip qaldy
ASTANA. Qazannyń 20-sy. QazAqparat - Ataqty ártis Jan-Klod Van Damm júrek talmasymen aýrýhanaǵa túsip qaldy. Kınoakter óziniń jańa «Qarý» fılminiń túsirilimi kezinde aýrýhanadan bir-aq shyqqan, dep habarlaıdy MTV telearnasy.
Júrek talmasymen ol kıno túsirilip jatqan Jańa Orleandaǵy aýrýhanaǵa jetkizilgen. Van Damnyń aýrýhanada az ǵana ýaqyt bolyp, odan keıin saýyǵý úshin Belgııadaǵy úıine oralǵany aıtylyp otyr. Akterdyń ókilderi, ataqty ártistiń densaýlyǵy qazir qalypty ekenin aıtýda. Jaqynda 50 jasqa tolǵan akterdyń jaǵdaıy jańa fılmniń túsirilý kestesine qandaı ózgeris engizetini ázirge belgisiz, deıdi olar.
Jańadan túsirilip jatqan «Qarý» fılmi - esirtki karteliniń kózin joıý úshin kúshterin biriktirgen jaldamaly eki kisi óltirýshi týraly oqıǵaǵa negizdelgen.
