Jan basyna shaqqandaǵy JІÓ 8,7 myń AQSh dollaryna deıin artady
ASTANA. QazAqparat - Aǵymdaǵy jyldyń qorytyndysynda jan basyna shaqqandaǵy jalpy ishki ónim 8,7 myń AQSh dollaryna deıin artady. Bul týraly búgin Úkimettiń selektorlyq rejimdegi otyrysynda QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.
Onyń aıtýynsha, 2017 jylǵa arnalǵan negizgi makroekonomıkalyq kórsetkishter men bıýdjet parametrleriniń boljamy 2016 jylǵy jalpy ishki ónimniń eseptik derekteriniń, AQSh dollaryna qatysty teńgeniń esep aıyrysý baǵamynyń 330 teńge deńgeıinde saqtalýy jáne álemdik munaı baǵasy bir barreline - 50 AQSh dollary negizinde naqtylanǵan.
«ıAǵnı, 2016 jyly nomınaldy jalpy ishki ónim 1 497,4 mlrd teńgege ulǵaıa otyryp, 46 971,2 mlrd teńge kóleminde qalyptasty, jalpy ishki ónimniń naqty ósýi 1,1 paıyzdy qurady. Jyl basynan bastap ekonomıkalyq belsendiliktiń jaqsarǵany baıqalady. Aǵymdaǵy jylǵy 9 aıda jalpy ishki ónimniń ósýi 4,3 paıyzdy jáne ortasha baǵam bir AQSh dollary úshin 323,2 teńgeni qurady. Sonymen qatar, munaı baǵasy barreline 52 AQSh dollary sheginde qalyptasty», - dedi mınıstr.
Súleımenovtyń aıtýynsha, jyl boıǵy ekonomıkanyń ósýi 3,4 paıyz deńgeıinde kútilýde.
«Atalǵan faktorlardy eskere otyryp, ataýly jalpy ishki ónim 2017 jyly 51 855 mlrd teńge kóleminde boljanyp otyr. Bul aqpanda maquldanǵan kórsetkishten 2 114,7 mlrd teńgeden joǵary. Jan basyna shaqqandaǵy jalpy ishki ónim 8,7 myń AQSh dollaryna deıin artady», - dedi Súleımenov.
