Jampozovtyń ulyna áli aıyp taǵylǵan joq - QR ІІM
ASTANA. QazAqparat - QR Іshki ister mınıstrliginde mert bolǵan Jampozovtyń uly Asyljan Jampozovtyń isine qatysty túsinik berdi, dep habarlaıdy «QazAqparat» HAA tilshisi QR ІM baspasóz qyzmetine silteme jasap.
«20 shildede belgili sebepterge baılanysty kóz jumǵan Jampozov Ómirserik Asykbekulynyń balasy Asyljan Jampozovqa quqyq qorǵaý organdarynyń tarapynan qysym kórsetilip jatyr degen aqparat qazir BAQ tarapynan qyzý talqylanyp jatyr. Anyqtalǵanyndaı, 2017 jyldyń 20 shildesinde Asyljan Jampozov oqıǵa ornyn tekserý barysynda Tselınograd aýdany prokýrorynyń ishinen teýip jibergen. Dál sol jerde aıyptalýshynyń ekinshi uly aýdandyq prokýrorǵa óltiretinin aıtyp qorqytqan», - deıdi ІІM habarlamasynda.
Bul oqıǵaǵa jedel izdestirý tobynyń jáne tekserýge qatysqan ózge resmı tulǵalar kýá bolǵan. Forma kıgen adamǵa soqqy jasaǵanyn Jampozovtyń ózi de jasyrmaǵan. «Meniń qolymdy qaıyryp aldy. Men olardan sytylyp bosap shyǵýǵa tyrystym. Bálkim, bireýge tıip ketken bolar. Kúrdeli jaǵdaıda bolǵandyqtan, shyny kerek, tipti esimde de joq» dep jaýap bergen A. Jampozov.
Mınıstrliktiń baspasóz qyzmetiniń habarlaýynsha, janazaǵa baılanysty Asyljan Jampozovqa qatysty sotaldy tergeý amaldary keıinge qaldyrylǵan. Búgingi kúni Asyljan Jampozovqa eshqandaı aıyp taǵylǵan joq.
Dese de, ishki ister organy atalǵan is boıynsha tergeý amaldarynyń júrgizip jatyr.
«2017 jyldyń 20 shildesinde atalǵan fakt tirkelip, qazirgi ýaqytta Aqmola oblysynyń ishki ister departamenti QR QK 380-baby 1-bóligi (bılik ókiline qatysty kúsh qoldaný) jáne 409-baby 2-bóligi (sotaldy tergeý barysynda qorqytý nemese kúsh qoldaný) boıynsha sotaldy tergeý amaldaryn júrgizip jatyr», - dep habarlaıdy ІІM.
Búgingi kúni is-materıaldaryn QR ІІM óndirisine ótkizý protsesi júrgizilýde.
Buǵan deıin QR Bas prokýratýrasy Ómirbek Jampozovtyń óz-ózine qol salýyna baılanysty Tselınograd aýdanynda qozǵalǵan is QR ІІM-ne qaıta tapsyrylǵanyn habarlaǵan bolatyn. Tergeý amaldaryn baqylaý Astana prokýroryna júktelgen. Eger óz-ózine qol salý faktisi dáleldense, buǵan qatysy bar barlyq adamdar zań talaptaryna saı jazalanatyn bolady.
