Jámıla Serkebaeva soǵys jáne QR Qarýly kúshteri ardagerleri aldynda óner kórsetti (FOTO)

ASTANA. QazAqparat - Qurlyqtaǵy áskerler Áskerı ınstıtýtyndaǵy dástúrli merekede óziniń bar ómirin áskerı joǵary oqý ornynda qyzmet etýge arnaǵan QR Qarýly kúshteriniń ardagerleri - oqytýshylar men komandırler bas qosty. Bul týraly QR Qorǵanys mınıstrliginiń baspasóz qyzmeti habarlady.

Jınalǵandar aldynda Qurlyqtaǵy áskerler Áskerı ınstıtýty bastyǵynyń tárbıe jáne ıdeologııalyq jumystar jónindegi orynbasary Rýslan Qabdýlınov quttyqtaý sóz sóıledi. Ol Uly Otan soǵysyna qatysýshy Grıgorıı Mıhaılovtyń esimin erekshe atap ótti.

Ardager Pýshkın tank ýchılışesin kishi leıtenant shenimen aıaqtap, armııaǵa shaqyryldy, onda ol Berlın túbindegi urystarǵa qatysty, japon armııasyn talqandaýǵa aralasty. Almatydaǵy eki márte Keńes Odaǵynyń Batyry, Keńes Odaǵynyń marshaly I.S.Konev atyndaǵy Joǵarǵy jalpyáskerı komandalyq ýchılışede Grıgorıı Pavlovıch 1970 jyly negizi qalanǵannan beri qyzmet etýde. 1979 jyly otstavkaǵa shyqsa da kóp jyldar boıy azamattyq qorganys organdarynda jumys jasady.

Sondaı-aq elimizdi fashıstik basqynshylyqtan azat etýge árbir altynshy qazaqstandyq qatysqany, on oqtyń toǵyzy qazaqstandyq qorǵasynnan quıylǵany atalyp ótti. Qazaqstan qýatty áskerı lagerge aınaldy, munda Qyzyl Armııanyń eń tańdaýly bólimderi men qurylymdary qalyptasty.

Ardagerlerdi quttyqtaýǵa QR eńbek sińirgen qaıratkeri, ataqty mýzykant Jámıla Serkebaeva keldi. Ol klassıkalyq shyǵarmalardy tebirene oryndap, tyńdaýshylarynyń qulaq quryshyn qandyrdy.