Jámıla Serkebaeva men «Turan» toby «Shark taronaları» halyqaralyq mýzykalyq festıvalinde óner kórsetedi
ASTANA. 17 tamyz. QazAqparat - 25-30 tamyz kúnderi aralyǵynda Ózbekstannyń Samarqand qalasynda ıÝNESKO-nyń qoldaýymen "Shark taronaları" (Shyǵys áýenderi) 8-shi halyqaralyq mýzykalyq festıvali ótedi.
Bul týraly QR Baılanys jáne aqparat mınıstrligi Aqparat jáne muraǵat komıtetinen habarlady.
Festıval 1997 jyldan beri Shyǵys halqynyń mýzykalyq ónerindegi eń úzdik jetistikterin keńinen tanymal etý, sondaı-aq halyqaralyq shyǵarmashylyq baılanystardy odan ári keńeıtý jáne mádenı-rýhanı ózara yqpaldastyqty nyǵaıtý maqsatynda ótkizilip otyr.
"Shark taronaları" festıvaline ártúrli memleketterdiń óner sheberleri qatysady. Sonyń ishinde Qazaqstannyń eńbek sińirgen qaıratkeri Jámıla Serkebaeva men «Turan» toby bar.
