Jámıla Baqbergenova tórt dúrkin Azııa chempıony atandy

ASTANA. KAZINFORM — Iordanııa astanasy Amman qalasynda áıelder kúresinen Azııa chempıonatynda Jámıla Baqbergenova altyn medal aldy.

Ulttyq qurama kóshbasshysy 72 kelige deıingi salmaqta qytaılyq ıÝtsı Lıýmen beldesti.

Jámıla Baqbergenovanyń osyǵan deıin sporttyq jolynda 2021, 2022 jáne 2024 jyldary álem birinshiliginiń kúmis júldegeri atanǵany belgili. Sondaı-aq 2020, 2022 jáne 2023 jyldary úsh dúrkin Azııa chempıony atanyp, oǵan qosa qurlyqtyq dodada 2021 jyly kúmis, 2019 jyly qola medal alǵan edi.

Qytaılyq balýan da osal emes, 20 jasqa deıingiler arasynda álem birinshiliginiń kúmis júldesin jeńip alǵan sportshy bolatyn.

Birinshi kezeńde ıÝtsı Lıý 1:0 esebimen alda turdy. Ekinshi kezeńde Jámıla esesin jibermeı, esepti 4:1-ge jetkizdi.

Osylaısha, áıelder kúresinen Azııa chempıonatynda Qazaqstan qorjynyna 1 altyn, 1 qola medal tústi.

Ótken jyly Bishkekte ótken Azııa birinshiliginde qazaqstandyqtar tórt qola alǵan edi.

Eske sala keteıik, budan buryn Azııa chempıonatynda Jámıla Baqbergenovanyń álem chempıonyn jeńip, fınalǵa shyqqanyn jazǵan edik.

Sondaı-aq Azııa chempıonatynda Zeınep Baıanova áıelder quramasyna alǵashqy medaldi alyp berdi.