Jámıla Baqbergenova men Azamat Dáýletbekov álem kýbogyna shaqyrtý aldy
ASTANA. QazAqparat - Qazaqstandyq Jámıla Baqbergenova men Azamat Dáýletbekov erkin jáne áıelder kúresinen álem kýbogynda álem quramasy sapyna shaqyrtý aldy, dep habarlaıdy QazAqparat tilshisi.
Álem kýbogy bıylǵy jyldyń 10-11 jeltoqsanynda AQSh-ta ótkiziledi.
Oǵan álem chempıonaty reıtıngi boıynsha alǵashqy bestikte turǵan quramalar qatysady. Olardyń qataryna juldyzdar jınaqtalǵan altynshy qurama qosylady.
Bul sheshim Birikken kúres qaýymdastyǵy arqyly qabyldanady. Jarysqa qatysýshylar kýbokqa joldamadan tys qalǵan quramalar sapyndaǵy balýandar arasynan irikteledi.
Álem kýbogynyń júlde qory 100 000 Shveıtsarııa frankin quraıdy. Birinshi oryn alǵan quramaǵa onyń 70%-yna qol jetkizedi.
Ekinshi oryn alǵany - 20%, úshinshi oryndaǵysy - 10%-yna qol jetkizedi.
Aıta ketsek, álem chempıonatynda Jámıla Baqbergenova kúmis júlde aldy.
Jámıla Baqbergenova 1996 jyly 6 qańtarda dúnıege kelgen. Eresekter arasynda 2021 jyly Norvegııa astanasy Oslo qalasynda ótken álem chempıonatynda kúmis júldeger atanǵan bolatyn.
Ol Azııa chempıonatynda 2020, 2022 jyldarda chempıon atansa, 2021 jyly kúmis, 2019 jyly qola aldy.
Al erkin kúresten Azamat Dáýletbekov qola júldege qol sozdy.
Azamat Dáýletbekov 1994 jyldyń 15 naýryzynda dúnıege kelgen. Buǵan deıin Azııa chempıonatynda 2022 jyly altyn alsa, 2018 jyly kúmis, 2017 jyly qola júlde aldy.
Foto: sports.kz
