Jámıla Baqbergenova Azııa oıyndarynda olımpıadalyq salmaqta kúresedi
Áıelder kúresinen álem chempıonatynyń eki dúrkin kúmis jáne bir márte qola júldegeri Jámıla Baqbergenova jazǵy Azııa oıyndarynda olımpıadalyq salmaqta kúresedi. Bul týraly sportshynyń jeke bapkeri Nursultan Temirov aıtty, dep habarlaıdy QazAqparat tilshisi.
Nursultan Temirovtiń aıtýynsha, Serbııa astanasy Belgradta ótip jatqan álem chempıonatynda qola medal alǵan J.Baqbergenova 72 keliden 76-ǵa aýysady.
Budan bylaı Jámıla olımpıadalyq salmaq bolyp esepteletin 76 kelide ǵana baq synaıdy.
Qytaıda ótetin jazǵy Azııa oıyndary — balýan úshin osy salmaqtaǵy birinshi jarys bolmaq.
«Maqsatymyz — olımpıada joldamasyn jeńip alyp, qazaqtyń kók týyn Parıj tórinde jelbiretý», — dedi N.Temirov.
Jámıla Baqbergenovanyń ózi de Belgradqa altyn úshin kelgenin, degenmen onyń sáti túspegenin, Astanadaǵy jattyǵý jıyny kezinde bastalǵan baspa aýrýynyń eki apta boıy mazalaǵanyn jetkizdi. Endigi meje — Azııa oıyndarynda tabysty óner kórsetý.
Eske sala keteıik, budan buryn Jámıla Baqbergenovanyń álem chempıonatynyń qola júldegeri atanǵanyn jazǵan bolatynbyz.
Posmotret etý pýblıkatsııý v Instagram
