Jámıla Baqbergenova áıelder arasynda Azııanyń úzdik balýany atandy
ASTANA. QazAqparat - Azııa birlesken kúres álemi (UWW Asia) 2022 jyldyń úzdik balýandaryn anyqtady, dep habarlaıdy QazAqparat tilshisi.
Qazaqstandyq Jámıla Baqbergenova Áıelder kúresi atalymy boıynsha Azııanyń úzdik balýany atandy.
Azııa chempıony, álem birinshiliginiń eki dúrkin kúmis júldegeri J.Baqbergenova sondaı-aq jýyrda Qazaqstan boıynsha «Jyldyń úzdik sportshysy» atanǵan edi.
«Sportty damytý dırektsııasy» RMQK-dan málim etkenindeı, qyrǵyzstandyq Aqjol Mahmudov grek-rım kúresinen úzdik shyqty. Al japonııalyq Taısı Narıkýnı erkin kúresten úzdik dep tanyldy.
Eske sala keteıik, budan buryn balýan qyz Jámıla Baqbergenova «Jyldyń úzdik sportshysy» atanǵanyn jazǵan bolatynbyz.
Foto: www.instagram.com/uww.asia
