Jámıla Baqbergenova álemdik reıtıngte kósh bastap tur

ASTANA. KAZINFORM - Birikken Kúres álemi uıymy áıelder kúresinen jańartylǵan reıtıng nusqasyn jarııalady.

Qazaqstandyq sportshy Jámıla Baqbergenova 51 myń upaımen 72 keli salmaqta álemdik reıtıngte birinshi orynda tur. Ol bul orynda bıylǵy jyldyń sáýir aıynan bastap kóshbasshy bolyp keledi.

Jámıla Baqbergenova 1996 jyly dúnıege kelgen. Otandasymyz qazirge deıin qurlyqtyq dodada alty márte júldege ilikti. 2020, 2022, 2023, 2025 jyldarda jeńis tuǵyryna kóterilse, 2021 jyly kúmis, 2019 jyly qola júldeger atandy.

Sporttyq jolynda ol 2021, 2022 jáne 2024 jyldary álem birinshiliginiń kúmis júldegeri boldy.

Ekinshi orynǵa 45 myń upaımen japonııalyq Adı Ishı jaıǵassa, úzdik úshtikti 34700 upaımen mońǵolııalyq Bolortýngalag Zorıgt túıindep tur.