Jámıla Baqbergenova álem chempıonatynda jartylaı fınalǵa shyqty

ASTANA. KAZINFORM - Albanııa astanasy Tıranada ótip jatqan áıelder kúresinen olımpıadalyq emes salmaqtaǵy álem chempıonatynda qazaqstandyq Jámıla Baqbergenova jartylaı fınalǵa joldama aldy. 

Qazaqstandyq balýan 72 keli salmaqta shırek fınalda chehııalyq Adela Nanzlıkovany 6:3 esebimen jeńdi.  Odan buryn Jámıla moldovalyq Emılııa Krechýnnan basym túsken edi. 

Ókinishke qaraı el quramasynan Zýlfııa ıAhıarova (55 keli), Dıana Kaıýmova (59 keli) jáne Irına Kazıýlına (65 keli) alǵashqy beldesýinde jeńilip qaldy. 

Aıta ketsek, budan buryn grek-rım kúresinen qazaqstandyq balýan Erjet Jarylqasyn álem chempıonatynyń fınalyna ótti. Ol búgin altyn medal úshin ázerbaıjandyq balýan Nıhat Mammadalımen saıysqa túsedi.