Jambyldyń úzdik jastary marapattaldy
Oblystyq Jastar saıasaty máseleleri basqarmasynyń uıymdastyrýymen «Balqaragai» fıto-barda ótken sharada úzdik jastar «Áýlıeata úmiti» oblystyq jastar syılyǵynyń on bes nomınatsııasy boıynsha marapattaldy. «Senim! Eńbek! Jetistik!» forým aıasynda ótken sharaǵa aımaq basshysy Asqar Myrzahmetov arnaıy qatysyp, izgi lebizin bildirdi.
«Áýlıeata úmiti» oblystyq jastar syılyǵy – oblys jastarynyń azamattyq jáne qoǵamdyq-saıası belsendiligin arttyrý, oblys jastarynyń bilim, ǵylym, óner, mádenı, shyǵarmashylyq deńgeıiniń artýyna jáne óńirdegi jastar saıasatyndaǵy ózin-ózi basqarý júıesin qalyptastyrýǵa jaǵdaı jasaı otyryp, ártúrli salada jetistikke jetken jáne qoǵamdyq ómirde belsendi bolǵan jastardy qoldaý maqsatyna negizdeldi.
Komıssııa sheshimi boıynsha «Úzdik jas memlekettik qyzmetshi» nomınatsııasy boıynsha J.Amanbaı, «Úzdik jas baspa jýrnalıst» nomınatsııasy boıynsha J.Ahmetov, «Úzdik jas telejýrnalıst» nomınatsııasy boıynsha M.Baet, «Úzdik jas medıtsına qyzmetkeri» nomınatsııasy boıynsha M.Jumataev, «Úzdik jas muǵalim» nomınatsııasy boıynsha E.Jumadilov, «Úzdik jas mýzykant» nomınatsııasy boıynsha E.Jumat, «Úzdik jas ǵalym» T.Imanálıev, «Úzdik jas quqyq qorǵaý salasynyń qyzmetkeri» nomınatsııasy boıynsha M.Kókirekbaev, «Qoǵamdyq qyzmettegi úzdik belsendi jas» nomınatsııasy boıynsha T.Kópbergen, «Úzdik jas aıtysker aqyn» nomınatsııasy boıynsha N.Qurmanov, «Úzdik jas kásipker» nomınatsııasy boıynsha E.Omarov, «Úzdik jas jazba aqyn» nomınatsııasy boıynsha N.Satymqul, «Teatr jáne kıno salasynyń úzdik jas akteri» nomınatsııasy boıynsha B.Tájimuratov, «Úzdik jas sportshy» nomınatsııasy boıynsha Q.Turǵanbek, «Úzdik jumysshy jas» nomınatsııasy boıynsha E.Turǵanbek jeńimpaz dep tanyldy.
Aıta keteıik, «Áýlıeata úmiti» oblystyq jastar syılyǵyn berý erejesine sáıkes, 20 qarasha - 14 jeltoqsan aralyǵynda Jambyl oblysynyń 14 pen 29 jasqa deıingi jastary, halyqaralyq, respýblıkalyq jáne oblystyq jarystardyń, baıqaýlardyń, festıvalder men kórmelerdiń laýreattary, júldegerleri, qoǵamdyq ómirge belsendi aralasqan, memlekettik jastar saıasatyn júzege asyrý jáne jetildirý boıynsha jańashyl bastamalar alyp kelgen, jeke basynyń jetistikteri bar, ózi qyzmet etetin salada jetistikke jetken oblys jastary arasynda baıqaý jarııalanǵan bolatyn.
