Jambyldyqtarǵa sý tasqyny qaýpi eskertildi
TARAZ. QazAqparat - Jambyl oblysyna shamadan tys jaýyn-shashyn túsedi dep kútilýde jáne sel týraly aldyn ala eskertý jarııalandy, dep habarlaıdy «QazAqparat» HAA tilshisi.
14 aqpan kúni oblys aýmaǵyna jaýǵan qar mejeden asty jáne oblys ortalyǵy men aýdandardaǵy qar jabyny 45-50 santımetrge jetti. Tranzıttik jolaýshylar qar qursaýyna qalyp qoıdy, respýblıkalyq mańyzy bar avtojol bólikterinde qozǵalys toqtady.
Odan keıin óńir aýmaǵyna ornaǵan nólden joǵary temperatýra (+8 gradýsqa deıin) qardyń erýine ákep soqty. Onyń ústine, sınoptıkterdiń boljaýynsha, jaqyn kúnderi jańbyr jaýýy múmkin.
«Qazgıdromet» RMK aldyn ala eskertýine sáıkes, - delingen Jambyl oblystyq TJD habarlamasynda, - jaqyn kúnderi, 17 aqpanda mol jaýyn-shashynnyń kútilýinen Jambyl oblysyndaǵy taýdyń etegindegi ózenderge jınalǵan erigen qar men jaýyn-shashyn sýlary betkeıge qaraı aǵýy múmkin».
