Jambyldyqtardyń árbir úshinshisi shylymdy tastaǵysy keledi, árbir besinshisi dene jattyǵýyn jasaıdy
TARAZ. 29 qańtar. QazAqparat /Galına Skrıpnık/ - «Jambyl oblysy isker áıelderiniń qaýymdastyǵy» qoǵamdyq birlestiginiń bastamasy boıynsha júrgizilgen áleýmettik saýalnama óńirdiń halqy óz densaýlyǵyna qanshalyqty muqııat qaraıtynyn jáne halyq salaýaty ómir salty máseleleri týraly qanshalyqty aqparattanǵanyn kórsetti.
Salaýatty ómir saltyn nasıhattaý jobasynyń jetekshisi Svetlana Klepıkovonyń aqparaty boıynsha, saýalnamaǵa qatysqandardyń árbir úshinshisi shylymdy qalaı tastaýdy, al árbir tórtinshisi spırttik ishimdikke áýestikten qalaı arylýdy bilgisi keledi. Tek árbir besinshisi dene jattyǵýyn jasap, sporttyq zaldarǵa barady.
Oblystaǵy isker áıelder qaýymdastyǵynyń qamqorlyǵymen ótken jyly salaýaty ómir saltyn nasıhattaıtyn birqatar is-sharalar ótkizildi. Olar: «Ákem, anam jáne men - salaýatty otbasymyz», «Salaýatty ómir saltyn quptaımyz!» atty buqaralyq aktsııa, «Salaýatty ómir saltyn qalyptastyrý» oblystyq konferentsııasy jáne t.b. Bul sharalarǵa myńnan astam jambyldyqtar qatysty.
