Jambyldyqtar jol erejesin alty kúnde 5 myń ret buzǵan
TARAZ. QazAqparat – Jambyl oblysynda «Qaýipsiz jol» jedel-aldyn alý sharasynyń alty kúninde joldaǵy tártipti buzýdyń 5 myńǵa jýyq faktisi anyqtaldy, dep habarlaıdy QazAqparat tilshisi.
Oblystyq Polıtsııa departamentiniń baspasóz qyzmetinen málim etkendeı, 21-27 qazan aralyǵynda ótken shara maqsaty – oblys aýmaǵynda júrgizýshilerdiń kólik tártibin arttyrý, jol-kólik oqıǵalarynyń sanyn azaıtý, sondaı-aq jol erejelerin buzýdyń aldyn alý.
«Alty kúnniń ishinde jol qozǵalysy erejelerin buzýdyń 4965 deregi anyqtaldy. Onyń 900-den astamy – jaıaý júrginshiler jolaǵynda jyldamdyqty arttyrý, 500-ge jýyǵy – qaýipsizdik beldikterin paıdalanbaý, 737-si jaıaý júrginshilerdiń jáne jol júrisine ózge de qatysýshylardyń jol erejelerin buzý oqıǵalary. Sondaı-aq, 416 júrgizýshi manevr erejesin buzǵandyǵy, 300-den astamy qozǵalys ústinde telefondy nemese radıostantsııany paıdalanǵany belgili boldy», - delingen vedomstvo habarlamasynda.
Aıta keteıik, shara barysynda 113 kólik aıyppul turaǵyna toǵytylǵan.
