Jambyldyqtar VII qysqy Azıada oıyndarynyń Alaýyn qabyldady
JAMBYL OBLYSY. 13 qańtar. QazAqparat /Galına Skrıpnık/ - Jambyl jerine VII qysqy Azıada oıyndarynyń alaýy jetti.
12 qańtar kúni QR Tótenshe jaǵdaılar mınıstrliginiń ushaǵy kelip qonǵan «Áýlıe-Ata» áýejaıynda Azıada-2011 oıyndarynyń alaýyn oblys ákiminiń orynbasary Meırambek Tólepbergen, Taraz qalasynyń ákimi Bekbolat Orynbekov, oblystyq týrızm, dene shynyqtyrý jáne sport basqarmasynyń bastyǵy Baqtııar Artaev, Taraz qalasynyń jastary men aqsaqaldary, BAQ ókilderi qarsy aldy.
«Alaý estafetasynyń maqsaty - respýblıkamyzda ótkeli otyrǵan saıystarǵa qazaqstandyqtardyń nazaryn aýdaryp, oblys ortalyǵyn bir kúnge bolsyn Azıada oıyndaryn qabyldaıtyn qalaǵa aınaldyrý», - dedi baspasóz máslıhaty barysynda 7-Qysqy Azııa oıyndary Alaý estafetasy dırektsııasy jetekshisiniń orynbasary Sársen Quranbek.
«Mysalǵa, birinshi oblys ortalyǵy Taraz qalasyn alaıyq, Azıada alaýyn alyp júrý jolynda biz jobamyzdyń iske asqandyǵyna kóz jetekizdik. Jambyl jastarynyń Azıada alaýyn qalaı qarsy alǵanyn kóre otyryp, eńbegimizdiń zaıa ketpegenin túsindik», - deıdi S.Quranbek.
Azıada alaýy oblys ortalyǵyna avtotizbek quramynda jetkizildi. Alaý estafetasy dırektsııasynyń ókili tarazdyqtardyń barlyǵyn búgin, 13 qańtar kúni ótetin halyqaralyq mańyzdaǵy sport sharasynyń kýási atanýǵa shaqyrdy, sonymen qatar Alaý estafetasy bekitilgen keste boıynsha júrip ótetindigin eske saldy.
Esterińizge sala keteıik, alaý baǵdarynyń Taraz qalasyndaǵy júrý qashyqtyǵy Tuńǵysh Prezıdent saıabaǵynan Jambyl Jabaev eskertkishine, Ortalyq bazar janyndaǵy alań men keri qaıtar joldan Tuńǵysh Prezıdent saıabaǵyna deıin 12 shaqyrymdy quraıdy. Alaý ustaýshylardyń árqaısysy 200 metr júrip ótedi, al estafetany Jambyl oblysynyń ákimi Qanat Bozymbaev bastaıdy.
