Jambyldyqtar rekordtyq astyq bastyrdy
ASTANA. QazAqparat - Bıyl Jambyl oblysynyń dıqandary Táýelsizdik jyldary ishindegi rekordyq astyq bastyrdy. Bul týraly Jambyl oblysy ákimdiginiń aýyl sharýashylyǵy basqarmasynyń basshysy Nurjan Nurjigitov málim etti.
Bıyl Jambyl oblysynyń aýyl sharýashylyǵy taýaryn óndirýshileri úshin óte qolaıly jyl boldy. Kúzgi jumystar der ýaqytynda júrgizilip, mol ónim alyndy. Aıta keterligi, Táýelsizdigimizdiń 25 jyldyǵy ishinde alǵash ret eń joǵary kórsetkishke qol jetkizip otyrmyz. Máselen, 250 myń gektar masaqty dán-daqyldardan 592 myń tonna astyq bastyryldy. Mundaı 25 jyl ishinde bolmaǵan edi. Munan bólek, kartop, kókónis, baqsha daqyldary jaqsy ónim berdi.
Sonymen qatar ol Jambyl oblysynyń taýar óndirýshiler elordada ótkizip jatqan jármeńkege quny 220 mln. teńgeden asatyn 250 myń tonna ónim ákelgendigin atap ótti.
«Biz Astana qalasynyń aýyl sharýashylyǵy basqarmasymen birlesip, baǵaǵa monıtorıng júrgizdik. Sonyń negizinde óz taýarlarymyzdy 8-den 40 paıyzǵa deıin tómen ákep otyrmyz. Demek, elordalyqtar aldaǵy qys aılaryna jetkilikti qor jınap alady dep oılaımyz», - dedi N.Nurjanov.
