Jambyldyqtar polıtsııaǵa 115 atys qarýyn jáne 1 granata tapsyrdy
Aǵymdaǵy jyldyń 20 sáýirinen bastap Jambyl oblysynda halyqtan zańsyz saqtalǵan qarý-jaraqty satyp alý boıynsha dástúrli respýblıkalyq aktsııa ótip jatyr. Bul aktsııany ótkizýge 10 mıllıon 404 myń teńge bólindi.
Zańsyz saqtalǵan atys qarýyn, oq-dárilerdi, jarylǵysh zattardy aqshalaı syıaqyǵa tapsyrýǵa nıet bildirgen azamat turǵylyqty jeri boıynsha polıtsııa bólimine ótinish berýi tıis.
Syıaqy mólsherin komıssııalar aıqyndaıdy. Erikti túrde tapsyrǵandar úshin tólem somasy qarýdyń túrine, onyń tehnıkalyq jaı-kúıine baılanysty jáne árbir birlik úshin 30 myńnan 300 myń teńgege deıin tólenedi.
«Aktsııa bastalǵannan beri polıtsııa organdaryna azamattardan 90 ótinish kelip tústi. Jalpy somasy 7 mıllıon 403 myń teńgege 115 birlik atys qarýy tapsyryldy. Onyń ishinde 24 birlik oıyq uńǵyly, 90 birlik tegis uńǵyly, 1 birlik travmatıkalyq qarý, sondaı - aq 1 jaýyngerlik qol jaryqshaqty granata bar», - deıdi Jambyl oblysy PD ÁPB bastyǵy polıtsııa polkovnıgi Mámbet Smaıylov.
Jambyl oblysy Polıtsııa departamenti zańsyz saqtalǵan qarý-jaraq, oq-dárilerdi jáne jarylǵysh zattardy óz erkimen tapsyrýǵa nıet bildirgen azamattar qylmystyq jáne ákimshilik jaýaptylyqtan bosatylatyndyǵyn eskertedi.
