Jambyldyqtar qant qyzylshasynyń gektarynan 700 tsentnerden ónim almaqshy
TARAZ. QazAqparat - Bıyl Jambyl oblysyndaǵy keı sharýashylyqtar sýarýdyń ozyq ádisterin paıdalanyp gektarynan 700 tsentnerge deıin qant qyzylshasyn alýdy kózdep otyr.
Osylaısha, Qordaı aýdanyndaǵy «Samǵaý» sharýa qojalyǵy gektarynan eń kemi 700 tsentner qant qyzylshasyn alýdy kózdep otyr. Jambyl aýdanynda «Pıoner» ShQ dástúrli sýarý ádisin eskerip gektardan eń kemi 350 - 380 tsentner jınaýdy josparlap otyr.
Jambyl oblysy ákimdiginiń baspasóz qyzmetiniń habarlaýynsha, 2016 jyly qant qyzylshasyn ósirý salasyn damytý úshin oblystyq bıýdjetten 420 mln teńge bólindi. Onyń 220 mln teńgesi tuqym satyp alýǵa jáne 220 mln tehnıka satyp alýǵa baǵyttaldy. Qant qyzylshasy 5,68 myń ga jerge egildi, 850 ga jerde sýarýdyń zamanaýı ádisteri paıdalanylady.
Jambyl oblysynda shamamen 125 - 130 myń tonna óndiriledi dep kútilýde. Ónimdilik gektarynan 250 tsentnerdi quraǵan jaǵdaıda dıahandardyń taza tabysy eń kemi 175 myń teńge bolady, ónimdilik gektaryna 500 tsentner bolsa 475 myń teńgege jetedi.
Kúzde qant qyzylshasyn óndirýshiler shyǵynynyń 70% sýbsıdııalanatyny aıtyldy. Sonymen qatar, gektar boıynsha sýbsıdııalar berile bastalady.
Oblystyq ákimdikte atap ótkendeı, bıyl «Ortaazııalyq qant korporatsııasy» JShS Merki qant zaýytyn jańǵyrtý úshin óz qarajatynan 3 mln dollar ınvestıtsııa quıǵan.
