Jambyldyqtar elordadaǵy jármeńkede 100 tonnadan astam arzan ónim usyndy
ASTANA. QazAqparat - Búgin Astana qalasynda "Mega" OSO aldyndaǵy alańda Jambyl oblysy taýar óndirýshileriniń kezekti aýylsharýashylyq jármeńkesi ótti.
Qala turǵyndary men qonaqtary azyq-túlik ónimderin arzan baǵamen satyp alý múmkindigine taǵy da ıe boldy.
Astana qalasy Aýyl sharýashylyǵy basqarmasynyń habarlaýynsha, bul jármeńkede Jambyl oblysy taýar óndirýshileri 100 tonnadan astam azyq-túlik ónimin usyndy.
Jármeńkedegi taýar baǵalary naryqtaǵy baǵadan 15-20% arzan boldy. Mysaly, sarymsaqtyń bir kelisi 40 teńge, kartop 55 teńge, qarbyz 25 teńge, qant - 150 teńgeden satyldy.
Jambyl oblysy taýar óndirýshileriniń aýylsharýashylyq jármeńkeleri qyrkúıektiń 22 deıin jalǵasady, dep habarlaıdy astana.kz.
