Jambyldyqtar Almaty turǵyndaryna qysqa azyq-túlik qoryn qamdaýǵa kómektesti
ALMATY. QazAqparat - Almatyda «Astana» alańynda Taraz ben Jambyl oblysynyń 10 aýdanynyń keńeıtilgen aýyl sharýashylyǵy jármeńkesi ótýde, dep habarlaıdy «QazAqparat» HAA tilshisi.
Jármeńkege Almaty qalasynyń da 40 saýda jáne taǵam kásiporyndary da qatysýda.
Qala turǵyndaryna jalpy kólemi 225 tonna 50-den astam taýar túrleri, ony ishinde , 42 tonna et, 16 tonna sút, 152 tonna kókónis-jemis ónimderi men basqa da túrli azyq-túlikter usynyldy. 
Almatyda aýyl sharýashylyǵy jármeńkeleri sońǵy segiz jyl ishinde ótkizilip júr. Olardyń maqsaty - qalanyń azyq-túlik naryǵyndaǵy baǵany turaqtandyrý. Jármeńkede satylatyn ónimder baǵasy ortasha naryqtaǵylardan 15-20%-ǵa tómen.
