Jambyldyq jastar dárigerlerge «Alǵys paketterin» tabystady
«Nur Otan» partııasy «Jas Otan» jastar qanaty uıymdastyrǵan shara barysynda 100 alǵys paketi uıymdastyryldy. Alǵys paketterine ımýnıtetti nyǵaıtýǵa arnalǵan ónimder salynǵan. Sonymen qatar, «Dámdi sebet - Vkýsnaıa korzına» dúkender jelisiniń demeýshiligimen 2 tonna sý emdelýshiler men dárigerlerge berildi.
«Qıyn kezeńde qaltarysta qalýǵa bolmaıdy. Úı betin kórmeı, otbasynan jyraqta júrgen jandar ózge ómirdi ólimnen arashalap júr. Osy erlik oıymyzda. Esten shyǵarmaýymyz kerek. Árıne, «bul - olardyń mindeti, tańdaǵan mamandyǵy» dep aıtýyńyz da múmkin. Alaıda alǵys aıtýǵa turatyn densaýlyq saqshylarynyń múltiksiz mindeti men qyzmetine qaryzdarmyz. Basyn báıgegege baılap júrgen jandardyń da janyn jadyratyp, bir sátke bolsa da kóńilin aýladyq. Eńbegi g eren ekenin eske salyp, alǵys aıttyq»,-deıdi partııanyń oblystyq fılıalynyń tóraǵasynyń birinshi orynbasary Balabek Narbaev.
Aıta keteıik, búginde Taraz qalasyndaǵy «Báıterek» shaǵynaýdanynda ornalasqan medıtsınalyq mekemede 200-ge jýyq naýqas provızorlyq statsıonarda emdelip jatyr. Atalmysh aktsııa Taraz qalasyndaǵy 4 aýrýhanada jáne aýdandarda jalǵasady dep kútilýde. Ol týraly «Jas Otan» JQ OF tóraǵasy Ýálıhan Bolatbek tilge tıek etti.
«Jalpy, qalamyzda 5 aýrýhanada vırýs juqtyrǵan turǵyndar jatyr. Solardyń barlyǵyna jáne kómek kórsetip jatqan dárigerlerge alǵys aktsııasyn uıymdastyramyz. Bul aktsııa aýdandarda da jalǵasyn tabady. Kelesi aptada kásipkerlerdiń uıytqy bolýymen 50 ottegimen tynys alý apparatyn tabystaımyz»,-dedi ol.
