Jambyldyq jastar bızneste belsendi
TARAZ. QazAqparat - Jambyl oblystyq Kásipkerler palatasynan Jastardyń ınnovatsııalyq jáne shaǵyn kásipkerlik keńesi quryldy, dep habarlandy Jambyl oblystyq Kásipkerler palatasynan.
Mundaı qurylymdy ashý isin jańa bastaǵan kásipkerlerge qoldaý kórsetý maqsatynda qolǵa alynyp otyr.
«Jastar» ǵylymı-zertteý ortalyǵy tarapynan qazaqstandyq ul-qyzdardyń arasynda júrgizilgen áleýmettik zertteýler boıynsha, zertteýge qatysqan respondentterdiń 42 paıyzy ózderiniń kásipkerlikpen aınalysqylary keletindigin, alaıda, oǵan qajetti qarajattarynyń joqtyǵyn aıtady. Búginde eldegi kásipkerlerdiń tek 30 paıyzy ǵana jas bıznesmender»,-deıdi palata ókilderi.
Keńestiń alǵashqy otyrysynda onyń quramy men erejeleri bekitildi.
«Atalmysh keńesti qurýdaǵy basty maqsat - jastardyń, ınnovatsııalyq jáne shaǵyn kásipkerlikti qoldaý jáne memlekettiń jastar arasyndaǵy kásipkerlikti damytý baǵyty boıynsha bıznes pen memlekettik organdardyń arasyndaǵy baılanysty nyǵaıtý»,-dedi Jambyl oblystyq kásipkerler palatasynyń dırektory Qarlyǵash Aralbekova. .
Keńes ókilderi onyń quramyna óńirdegi myqty bıznesmenderdi tartyp, keńestiń májilisterinde bıznespen baılanysty ózekti degen máselelerdi talqyǵa salyp otyrmaq.
