Jambyldyq vaterpolıster Reseıdegi ashyq chempıonatta óner kórsetedi
ASTANA. QazAqparat - Halyqaralyq deńgeıde óner kórsetetin jalǵyz komanda eń tanymal týrnırlerdiń biri - Reseı chempıonatyna daıyndalýda. Atalmysh báseke 9-15 qazan aralyǵynda Máskeý mańyndaǵy Rýza qalasynda ótedi.
Esterińizge sala keteıik, áıelder arasynda sý dobynan Interqurlyqtyq FINA týrnıriniń álem boıynsha eń myqty 6 komandasynyń qataryna kiretin Qazaqstan quramasynyń 80 paıyzy tarazdyq «Aısha-bıbi» klýbynyń sportshylarynan quralǵan.
Qazirgi tańda jambyldyq vaterpolıster «Taraz-Arena» sport saraıynda tyńǵylyqty daıyndyqtan ótýde.
«Aıshy-bıbi» klýbynyń jetekshisi, QR sý dobynan eńbegi sińgen jattyqtyrýshy Alan Balfanbaevtyń aıtýynsha, bıylǵy jyly komandanyń aldynda burynǵysynsha sol eń myqty altylyqtyń quramynda qalý mindeti tur.
«Ótken jyly biz osy mejeni baǵyndyrǵandyǵymyzdy nazarǵa alatyn bolsaq, aldyǵa qoıǵan mindetti oryndaýǵa tolyq múmkindigimiz bar. Al, Reseıdiń ashyq chempıonatyna ózge emes tarazdyqtardyń óner kórsetýinde Jambyl oblystyq sport basqarmasy basshylarynyń eńbegi zor»,-deıdi jattyqtyrýshy.
