Jambyldyq turǵyn jarty keliden astam geroınmen ustaldy

TARAZ. QazAqparat – Jambyldyq polıtseıler geroın satqan azamatty ustady, dep habarlaıdy QazAqparat tilshisi.

Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Qordaı aýylynda jedel-izdestirý is-sharalaryn júrgizý barysynda esirtki zatyn satqan 57 jastaǵy jergilikti turǵyndy ustady. Onyń úıinen jalpy salmaǵy 570 gramm geroın esirtkisi tárkilendi.

Ol 2016 jyly esirtki zattaryn asa iri mólsherde saqtaǵany úshin sotty bolǵan. Kúdikti azamat kinásin tolyq moıyndap, Qordaı aýdanynyń ýaqytsha ustaý ızolıatoryna qamaqqa alyndy.

«Atalǵan derekke qatysty QR Qylmystyq kodeksiniń 297–baby 3-bóligi «Ótkizý maqsatynda asa iri mólsherde esirtki zattaryn zańsyz saqtaý« boıynsha sotqa deıingi tergeý amaldary bastaldy. Bul bappen múlkin tárkileý, 10 jyldan 15 jylǵa deıingi merzimge bas bostandyǵynan aıyrý jazasy qarastyrylǵan», - dedi oblystyq polıtsııa departamenti bastyǵynyń baspasóz hatshysy Gúlsara Muhtarqulova.