Jambyldyq turǵyn tergeýshige mıllıon teńge para bermek boldy

TARAZ. QazAqparat - Jambyl oblysynyń Qordaı aýdanynda jergilikti polıtsııa qyzmetkeri jemqorlyqqa qatysty qylmystyń jolyn kesti, dep habarlaıdy QazAqparat tilshisi Jambyl oblystyq ІІD baspasóz qyzmetine silteme jasap.

Vedomstvodan habarlaǵandaı, QR ІІD esirtkige qarsy kúres departamentiniń qyzmetkerleri Qordaı aýdanynda azamat Sh.-ny ustaǵan. Odan tártip saqshylary 187,14 gramm geroındi anyqtap, tárkilegen.

Ary qaraı atalmysh qylmystyq iske qatysty tergeý jumystaryn júrgizý Jambyl oblystyq ІІD tergeý basqarmasynyń qyzmetkeri K-ǵa tapsyrylǵan.

Tergeýshige azamat I. kelip, ustalǵan adamnyń týysy bolyp tanysqan. Ol qyzmettik kabınette tergeýshige óziniń týysyna taǵylǵan aıypty asa aýyr emes qylmysqa aýystyrýdy surap, bir mıllıon teńge usynǵan. Osylaısha, QR QK-niń 367-babynda qarastyrylǵan qylmysty (Laýazymdy tulǵaǵa para berý) jasaǵan.

ІІD-den habarlanǵandaı, tergeýshi alǵan, para retinde berilgen 150 myń teńgeni qaıtarý kezinde I. men onyń qaryndasy ustalǵan. Sot olardy eki aıǵa qamady.

Sanktsııayq jedel-izdestirý sharalaryn júrgizý kezinde azamat I.-diń zańsyz áreketi qujattalyp, zattaı dálelder tárkilenip, qylmystyq istiń materıaldaryna bekitilgen.

Qazirgi ýaqytta sotqa deıingi tergeý amaldary júrgizilip jatyr.