Jambyldyq sharýalar mal azyǵyn josparlaǵannan da kóp jınady
TARAZ. QazAqparat - Jambyl oblysynyń sharýalary úshin bıylǵy jyl yrysty boldy. Maýsym aıynda uzaq ýaqyt boıy nóserden kóz ashpaǵan óńirde shóp qalyń ósti, dep habarlaıdy QazAqparat.
Aýyl sharýashylyǵy basqarmasynyń málimetteri boıynsha, dáni daqyldardyń jıyn-terimi aıaqtalyp, malǵa jem-shóp jınaý jumystary jalǵasýda.
Oblys ákimdigi aýyl sharýashylyǵy basqarmasynyń bastyǵynyń orynbasary Erkebulan Anabekovtyń sózinshe, óńirde 1,5 mln tonna shóp daıyndalyp qoıǵan. Sondaı-aq buryn qalǵan shópten taǵy 19 myń tonna azyq jınalǵan. 14 myń tonna súrlengen shóp pen 140 myń tonna saban taǵy bar.
Anabekov sonymen qatar jambyldyq sharýalardyń bıylǵy jyly dándi daqyldardy da onyń masaǵyn da mol kólemde jınaǵandyǵyn aıtty. Sondaı-aq baý-baqsha ónimderi de kóńil toltyrarlyqtaı jınaldy. Dándi daqyldar men onyń masaqtary gektaryna 23,6 tsentnerden aınaldy. Bul táýelsizdik jyldaryndaǵy eń joǵary kórsetkish bolyp otyr.
