Jambyldyq polıtseılerge 131 jańa kólik berildi
TARAZ. QazAqparat – Jambyl oblystyq polıtsııa departamentiniń aýdandyq ýchaskelik ınspektorlaryna 131 jańa qyzmettik avtokóliktiń kilti tabystaldy, dep habarlaıdy QazAqparat tilshisi.
Ortalyq «Dostyq» alańynda ótken saltanatty sharaǵa Jambyl oblysy ákiminiń orynbasary Nurjan Kalenderov qatysty. Sý jańa qyzmettik kólikterge ıe bolǵan polıtsııa qyzmetkerleri óz kezeginde Qazaqstan Respýblıkasyna adal qyzmet etýge ant berdi.
«Jergilikti atqarýshy organ tarapynan qoǵamdyq tártipti saqtaýǵa bólinetin qarjy kólemi jyldan jylǵa ulǵaıyp keledi jáne oń nátıjesin berýde. Oblysta bıyl tirkelgen qylmys sany 9,2 paıyzǵa tómendedi. Degenmen, jol-kólik oqıǵalarynyń 10 paıyzǵa ósýi bizdi alańdatady. Osy turǵyda polıtsııa qyzmetkerlerin materıaldyq-tehnıkalyq jabdyqtaý - qylmystyń sanyn azaıtýǵa septigin tıgizedi dep oılaımyz»,- dedi Nurjan Sábıtuly óz sózinde.
Aıta keteıik, jergilikti bıýdjetten sońǵy úsh jylda oblystyq polıtsııa departamentin qarjylandyrýǵa 19 mıllıard teńge qarajat bólinse, bıyl oblystyq bıýdjetten bólingen qarajat kólemi - 9,2 mıllıard teńge. Sondaı-aq, bıyl polıtsııa departamentin materıaldyq-tehnıkalyq jabdyqtaý, onyń ishinde avtokólik quraldaryn satyp alý úshin 486 mıllıon tenge qaralǵan.
«Búgin paıdalanýǵa berilgen 131 avtokóliktiń 115-i - «Nıva», 16-sy - ÝAZ. Bul kólikter arqyly 10 aýdannyń jeteýiniń qajettiligi tolyǵymen ótelmek. Jospar boıynsha, keler jyly oblys boıynsha barlyq qajettilik qamtamasyz etiledi»,-deıdi oblystyq polıtsııa departamentiniń basshysy Arman Orazalıev.
