Jambyldyq polıtseıler jerasty tsehynan 10 tonnaǵa jýyq altyn kenin anyqtady
««Brakoner» jedel-aldyn alý is-sharasy barysynda Moıynqum aýdanynyń polıtsııa qyzmetkerleri quramynda baǵaly metaldar bar shıkizatty, tastardy zańsyz óńdeýmen aınalysatyn jerasty tsehynyń qyzmetin toqtatty. Jeke turǵyn úıdi tekserý kezinde elektrli untaqtaý dıirmeni, untaqtalǵan kenniń qaldyqtary, elek, magnıt, tasıtyn arbalar, kúrekter, synapty suıyqtyq, eki úlken qazandyq jáne 10 tonnaǵa jýyq altyn keni tabyldy.
Qoımada 30 jáne 58 jastaǵy eki jumysshy boldy.
Ustalǵandardyń aıtýynsha, olar aqyly túrde jumys jasaǵan. Polıtsııa qyzmetkerleri tsehtyń qojaıyny bolyp tabylatyn 37 jastaǵy jergilikti turǵyndy anyqtap, ustady», - delingen polıtsııa habarlamasynda.
Osy derekke qatysty Qazaqstan Respýblıkasy Qylmystyq kodeksiniń 295-1-baby 1-bóligi (Baǵaly metaldar men asyl tastardyń, quramynda baǵaly metaldar bar shıkizat taýarlarynyń zańsyz aınalymy) boıynsha sotqa deıingi tergep-tekserý amaldary bastaldy. Qazirgi ýaqytta memleketke keltirilgen zalal kólemi anyqtalyp jatyr. Birqatar saraptama taǵaıyndaldy.