Jambyldyq polıtseıler jelide tarap ketken atyshýly vıdeorolıkti joqqa shyǵardy
TARAZ. QazAqparat - Jambyl oblystyq ІІD Instagram jelisine tarap ketken kezekti daýly vıdeorolıkti teriske shyǵarýda, dep habarlaıdy «QazAqparat» HAA tilshisi.
«2017 jyldyń 13 aqpanynda Instagram áleýmettik jelisindegi «qazpress» paraqshasynda «Tarazdyq polıtseılerdiń kezekti masqarasy» degen ataýmen jarııalanǵan vıdeorolıkte polıtsııa qyzmetkerleri avtokólik quralynan memlekettik nómirdi alyp jatqany beınelengen. Budan bólek, oqıǵa kýágerleri alkogoldik ishimdik paıdalanǵan formadaǵy kisini kinálaýda, - dep túsindirdi Jambyl oblystyq ІІD baspasóz qyzmetinde. - Vıdeotaspadaǵy polıtseıdiń Jambyl oblystyq ishki ister organynyń qyzmetkeri emes ekendigin habarlaımyz. Jambyldyq polıtseılerge qatysty barlyq aıyptaýlar negizsiz bolyp tabylady».
Budan bólek, Jambyl oblystyq ishki ister departamenti bul beınebaıannyń kórshi oblystardyń birinde túsirilgendigine sendirýde.
