Jambyldyq polıtseıler jaıaý patrýl rejımine kóshti
Koronavırýstyq ınfektsııaǵa baılanysty tótenshe jaǵdaı kezinde Jambyl oblysy polıtsııa departamentiniń qyzmetkerleri jaıaý patrýlge kóship, oǵan Qazaqstan Respýblıkasy Ulttyq ulanynyń 5513 áskerı bóliminiń jáne Taraz garnızonynyń áskerı polıtsııasynyń qosymsha kúshteri jumyldyryldy. Bul týraly oblystyq polıtsııa departamentiniń baspasóz qyzmeti
Departamenttiń mundaǵy maqsaty – kóshelerde jáne qoǵamdyq oryndarda quqyq buzýshylyq faktilerin jedel anyqtaý, olardyń aldyn alý men eskertý.
«Jaıaý patrýldiń quramyna bir polıtsııa ofıtseri jáne eki áskerı qyzmetshi kiredi. Jaıaý patrýlder ózine senip tapsyrylǵan aýmaqtyń barlyq perımetri boıynsha, kólik úshin jetý qıyn jerlerdi qosa alǵanda, jaǵdaıdy kóz aldynda ustaýy tıis. Olar karantın kezinde azamattardyń qozǵalysynyń zańdylyǵyn qadaǵalaıdy, olardyń úıden shyǵý sebepterin anyqtaıdy. Jambyl oblysynyń polıtsııa departamenti azamattardy karantın rejımin qatań saqtaýǵa shaqyrady»,-delingen vedomstvo habarlamasynda.
