Jambyldyq polıtseıler sańyraýqulaq teremin dep joǵalyp ketken ájeni tapty
TARAZ. QazAqparat - Jambyl oblysynyń polıtseıleri taýda sańyraýqulaq terip júrip joǵalyp ketken ájeni taýyp, týystaryna tabystady, dep habarlaıdy QazAqparat.
Bul týraly oblystyq polıtsııa departamentiniń baspasóz qyzmeti málimdedi.
«2019 jyldyń 20 sáýirinde Jambyl aýdandyq polıtsııa bóliminiń 102 tetigine Taraz qalasynyń turǵyny Aleksandr An qońyraý shalyp, 80 jastaǵy ájesi Vera Kımniń sańyraýqulaq terip júrip joǵalyp ketkendigi týraly, sondaı-aq ózderiniń 4 saǵat boıy izdestirip taba almaı jatqandyǵyn habarlaǵan. Jambyl aýdany polıtsııa bóliminiń qyzmetkerleri ájeni izdestirdi», - delingen habarlamada.
Keıýana V.Kım Jambyl aýdanyna qarasty «Kúıik» taýynyń bókterinen tabylyp, týysqandaryna tabystaldy.
