Jambyldyq polıtseıler kirpish tsehyna urlyqqa túskenderdi ustady
Shý aýdanynyń 31 jastaǵy turǵyny 14 qańtar kúni polıtsııaǵa shaǵymdanǵan. Ol tsehyna áldekimderdiń jasyryn túrde kirip, kirpish quıatyn 20 qalypty, 2 motor men 80 kirpish sharshysyn urlap ketken aıtqan. Keltirilgen shyǵyn kólemi – 5 mln teńgeden astam.
Polıtsııa osy derekke qatysty QR Qylmystyq kodeksiniń 188-baby 3-bóligimen (Urlyq) sotqa deıingi tergeý amaldaryn bastaǵan. Jedel izdestirý is-sharalaryn júrgizý kezinde 42 jáne 20 jastaǵy eki jergilikti turǵyndy anyqtap, ustady. Qazirgi ýaqytta osy qylmysqa qatysy bar úshinshi adam izdestirilip jatyr. Ustalǵandar óz kinálaryn tolyq moıyndady.
Tergeý barysynda kúdiktilerdiń urlanǵan zattardy birden metall synyqtaryn qabyldaý pýnktine 50 myń teńgege ótkizgeni anyqtaldy.
Aıta ketsek, mundaı qylmys úshin Qazaqstan Respýblıkasynyń Qylmystyq kodeksinde múlki tárkilenip, 2 jyldan 7 jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý túrindegi jaza kózdelgen.
Foto: polisia.kz