Jambyldyq polıtseıler halyqty «jolda» qabyldady
Taraz qalasy turǵyndarynyń suraqtaryna Jambyl oblystyq Polıtsııa departamenti bastyǵynyń birinshi orynbasary, polıtsııa podpolkovnıgi Baýyrjan Údergenov pen Ákimshilik polıtsııa basqarmasynyń bastyǵy polıtsııa polkovnıgi Mámbet Smaıylov jaýap berdi. Aktsııaǵa qatysýshylar saýda ortalyqtary men iri dúkenderde Halyqpen dıalogty baılanystyryp, ótkiziletin is-sharamen turǵyndardy keńinen qamtýdy qamtamasyz etti.
«№4 «Saltanat» shaǵynaýdanyndaǵy №22 úıdiń aýlasynda qabyldaý aktsııasy ótti. Osyndaı is-sharalar «Jaılaý» shaǵynaýdanynda, «Baryshan» turǵyn alabynda, Tóle bı kóshesindegi birneshe úılerdiń aýlalarynda ótti. Azamattar negizinen qalta urlyǵymen kúres, jaıaý júrginshiler ótkelderin jańartý, kósheniń apattyq-qaýipti bólikterinde qosymsha belgiler ornatý sııaqty aspektilerge belsendi qyzyǵýshylyq tanytty. Sondaı-aq, shahardaǵy shaǵyn aýdandardaǵy túngi shýǵa, kóshe jaryǵynyń jetispeýshiligine shaǵymdandy»,- deıdi oblystyq Polıtsııa departamentiniń baspasóz qyzmetiniń basshysy.
Atalǵan is-sharalardy ótkizýdiń birinshi kúni polıtsııa qyzmetiniń ókilderine 1300-ge jýyq adam ótinish bildirdi, olardyń kópshiligi óz suraqtaryn birden sheshilýine qol jetkizdi. Qalǵan ótinishterge qatysty máselelerdi quqyqqorǵaý organdary jergilikti atqarýshy organdarǵa berý arqyly kómek kórsetpek.
